34 വര്‍ഷങ്ങള്‍ക്ക് മുന്‍പുള്ള ഈ സ്റ്റേജ് ഷോയില്‍ മമ്മൂട്ടിയെ മെഗാസ്റ്റാര്‍ എന്നുവിളിച്ചാണ് നടന്‍ കൊച്ചിന്‍ ഹനീഫ അഭിസംബോധന ചെയ്യുന്നത്. മമ്മൂട്ടിയെ നായകനാക്കി കൊച്ചിന്‍ ഹനീഫ സംവിധാനം ചെയ്യാന്‍ പോകുന്ന ചിത്രമായിരുന്നു ആണ്‍കിളിയുടെ താരാട്ട്. ഈ സിനിമയെ കുറിച്ച് സംസാരിക്കുന്നതിനിടെയാണ് ഹനീഫ് മമ്മൂട്ടിയെ മെഗാസ്റ്റാര്‍ എന്നു വിശേഷിപ്പിക്കുന്നത്.
എന്തിനാണ് സിനിമയില്‍ അഭിനയിക്കുന്നതെന്ന് ചോദിക്കുന്ന മമ്മൂട്ടിക്ക് 'അറിയില്ല' എന്ന് മറുപടി നല്‍കുന്ന ശ്രീനിവാസനെയും സിനിമ നിര്‍മാണം നിര്‍ത്തിയത് എന്തിനാണെന്ന് ചോദിക്കുന്ന മമ്മൂട്ടിക്ക് 'പടങ്ങളെല്ലാം പൊട്ടിപാളീസയതുകൊണ്ടാണ് നിര്‍മാണം നിര്‍ത്തി'യതെന്ന് മറുപടി നല്‍കുന്ന ഇന്നസെന്റിനെയും വീഡിയോയില്‍ കാണാം.
