"ദിവസവും ബലാത്സംഗ ഭീഷണികളാണ്, പേടി തോന്നും"; തുറന്നുപറഞ്ഞ് ആയിഷ ഖാൻ

Ayesha Khan

ആദിത്യ ധർ സംവിധാനം ചെയ്ത 'ധുരന്ധർ' എന്ന ചിത്രത്തിലെ 'ശരാരത്ത്' എന്ന ഗാനത്തിലൂടെ ശ്രദ്ധേയായ താരമാണ് അയിഷ ഖാൻ. ഇപ്പോഴിതാ താൻ ശരീരവണ്ണത്തിന്റെ പേരിൽ ഒരുപാട് പരിഹാസങ്ങൾ നേരിട്ടിട്ടുണ്ട് എന്നും ഇൻസ്റ്റാഗ്രാം അടക്കമുള്ള സോഷ്യൽ മീഡിയ പ്ലാറ്റ്‌ഫോമുകളിലൂടെ  ദിവസേന നിരവധി ബലാത്സംഗ ഭീഷണികളാണ് വരുന്നതെന്നും നടി തുറന്നു പറയുന്നു. 

"പ്ലസ് ടുവിന് പഠിക്കുമ്പോൾ ടി-സീരീസിന്‍റെ മ്യൂസിക് ആൽബത്തിൽ സെക്കന്റ് ഹീറോയിൻ ആയി അഭിനയിക്കേണ്ടതായിരുന്നു ഞാൻ. എന്നെ കാസ്റ്റ് ചെയ്തു എങ്കിലും ചിത്രീകരണത്തിന് തൊട്ട്മുൻപ് മാറ്റുകയായിരുന്നു. ചോദിച്ചപ്പോൾ തനിക്ക് വണ്ണക്കൂടുതൽ ആണെന്നായിരുന്നു എന്നാണ് അവർ നൽകിയ മറുപടി. അതെന്റെ ആത്മവിശ്വാസത്തെ വല്ലാതെ ബാധിച്ചു. ശരീര വണ്ണത്തിന്റെ പേരിൽ ഒരിക്കലും ഒരാളെ മാറ്റി നിർത്താൻ പാടില്ല. അത് വിവേചനമാണ്"- ആയിഷ പറഞ്ഞു.

സോഷ്യൽമീഡിയയിൽ നിരന്തരം സൈബര്‍ ആക്രമണങ്ങൾക്ക് ഇരയാണ് താനെന്നും ഇൻസ്റ്റാഗ്രാം അടക്കമുള്ള സോഷ്യൽ മീഡിയ പ്ലാറ്റ്‌ഫോമുകളിലൂടെ എനിക്ക് ദിവസേന ബലാത്സംഗ ഭീഷണികൾ വരുന്നുണ്ടെന്നും താരം പറഞ്ഞു

"ഇൻസ്റ്റാഗ്രാം അടക്കമുള്ള സോഷ്യൽ മീഡിയ പ്ലാറ്റ്‌ഫോമുകളിലൂടെ എനിക്ക് ദിവസേന ബലാത്സംഗ ഭീഷണികൾ വരുന്നുണ്ട്. വേണമെങ്കിൽ  എന്റെ ഫോൺ തുറന്ന് നോക്കിക്കോളൂ... ഞാൻ എന്ത് വസ്ത്രം ധരിച്ചാലും ലൈംഗിക അധിക്ഷേപ കമന്റുകളാണ് വരുന്നത്. ഒരു വസ്ത്രം ധരിക്കുന്നതിന് മുൻപോ എന്തെങ്കിലും പോസ്റ്റ് ചെയ്യുന്നതിന് മുൻപോ രണ്ടാമതൊന്ന് ആലോചിക്കാറുണ്ട്"- ആയിഷ കൂട്ടിച്ചേർത്തു.