വിവാഹശേഷം ഭർത്താവായ റിയാസ് തന്നെ നിരന്തരം മർദ്ദിക്കാറുണ്ടായിരുന്നുവെന്നും കുഞ്ഞുണ്ടായിട്ടും ഈ രീതി തുടരുകയായിരുന്നുവെന്നും ശാലിനി പറയുന്നു. ഫോട്ടോഷൂട്ടിൽ ഭർത്താവിനൊപ്പമുള്ള ചിത്രങ്ങൾ കീറി കളയുന്നതും ഭർത്താവിൻ്റെ ചിത്രത്തിൽ ചവിട്ടുകയും ചെയ്യുന്നത് പരസ്യത്തിനായി ചെയ്തതല്ലെന്നും തൻ്റെ അതേ സാഹചര്യങ്ങളിലൂടെ കടന്ന് പോകുന്ന മറ്റ് സ്ത്രീകൾക്കുള്ള സന്ദേശമായി ചെയ്തതാണെന്നും ശാലിനി പറയുന്നു. ശബ്ദമില്ലാത്തവർക്ക് ശബ്ദം നൽകാനാണ് ഞാൻ ശ്രമിച്ചത്. ചിലർ എൻ്റെ പ്രവർത്തിയെ വിമർശിക്കുന്നു. ഞാൻ നേരിട്ട വെല്ലുവിളികളെ പറ്റിയും എൻ്റെ പോരാട്ടത്തെ പറ്റിയും പൂർണ്ണമായി മനസിലാക്കാൻ ഇവർക്ക് കഴിയില്ലെന്ന് ഞാൻ മനസിലാക്കുന്നു. ശാലിനി പറഞ്ഞു.
