സിനിമയിൽ എത്തുന്നതിനു മുമ്പ് നഴ്‌സുമാരായിരുന്നവര്‍ അധികമൊന്നുമില്ല മലയാള സിനിമയില്‍. എങ്കിലും ചിലരുണ്ട് ആരോഗ്യമേഖലയില്‍ നിന്നുവന്ന മാലാഖമാര്‍. സിജു വിൽസൺ, അന്ന രേഷ്മ രാജൻ, ജ്യുവൽ മേരി എന്നിവര്‍ അവരില്‍ ചിലരാണ്.
അങ്കമാലി ഡയറീസിലെ അന്ന രേഷ്മ രാജന്റെ ലിച്ചിയെ മലയാളികൾ പെട്ടെന്നൊന്നും മറക്കില്ല. ആലുവ രാജഗിരി ആശുപത്രിയിൽ നഴ്സായി ഇരിക്കെയാണ് താരത്തിന് സിനിമയിലേക്ക് അവസരം ലഭിച്ചത്. മധുര രാജ, അയ്യപ്പനും കോശിയും തുടങ്ങിയ സിനിമകളിൽ താരം മികച്ച പ്രകടനം കാഴ്‌ചവച്ചു.
