സ്ത്രീകൾ മാത്രം പങ്കെടുക്കുന്ന ഒരു യോഗത്തിന്റെ ആശയം സുരഭി ലക്ഷ്മിയാണ് മുന്നോട്ട് വച്ചത്. മഞ്ജു പിള്ളയും സുരഭിയും മറ്റുള്ളവരും ചേർന്നാണ് സ്കിറ്റ് തയ്യാറാക്കിയത്. മമ്മൂക്കയും ലാലേട്ടനും അടങ്ങുന്നവർ വായിച്ച് നോക്കി. ഓകെ പറഞ്ഞു. അവരൊന്നും പ്രശ്നം പറഞ്ഞില്ല. എന്തെങ്കിലും കുഴപ്പം തോന്നിയിരുന്നെങ്കിൽ അത് വേണ്ടെന്ന് അവർ പറയുമായിരുന്നു. - തെസ്നി ഖാൻ പറയുന്നു.
ഷോയുടെ റിഹേഴ്സൽ പാർവതി കണ്ടതാണ്. സ്കിറ്റ് കണ്ടിട്ട് അവർ ഒന്നും പറഞ്ഞില്ല. ഇങ്ങനെ ഒരു പ്രശ്നം തോന്നിയിരുന്നെങ്കിൽ പാർവതിക്ക് ചൂണ്ടിക്കാണിക്കാമായിരുന്നല്ലോ. പാർവതി കാര്യങ്ങൾ ധൈര്യത്തോടെ തുറന്ന് പറയുന്ന ഒരാളാണ്. എന്തെങ്കിലും പ്രശ്നമുണ്ടെന്ന് തോന്നിയിരുന്നേൽ റിഹേഴ്സൽ ക്യാമ്പിൽ അത് തുറന്ന് പറയാമായിരുന്നല്ലോ. അപ്പോൾ ഒന്നും മിണ്ടിയില്ലെന്നും തെസ്നി ഖാൻ പറയുന്നു.
