2018ലും 25 ലക്ഷം, ഈ വർഷവും 25; 370 കുടുംബങ്ങളെ ഏറ്റെടുത്തു- കരുതലോടെ മമ്മൂട്ടിയും ദുൽഖറും !
വെള്ളി, 16 ഓഗസ്റ്റ് 2019 (14:52 IST)
മഴക്കെടുതിയിൽ ബുദ്ധിമുട്ടുന്ന കേരളത്തിനു കൈത്താങ്ങായി മമ്മൂട്ടിയും ദുൽഖർ സൽമാനും. ഇരുവരും ചേർന്ന് 25 ലക്ഷം രൂപ മുഖ്യമന്ത്രിയുടെ ദുരിതാശ്വാസനിധിയിലേക്ക് സംഭാവന ചെയ്തു. നടൻ ജോജു ജോർജ് ആണ് ഫേസ്ബുക്ക് പോസ്റ്റ് വഴി ഈ കാര്യം വ്യക്തമാക്കിയത്.
അതോടൊപ്പം, പ്രളയബാധിതരായ 370 കുടുംബങ്ങളുടെ സംരക്ഷണം മമ്മൂട്ടി ഏറ്റെടുത്തതായും ജോജു ജോർജ് വ്യക്തമാക്കുന്നു.
2018ലെ പ്രളയത്തിലും ഇരുവരും ചേർന്ന് 25 ലക്ഷം രൂപ സംഭാവന നൽകിയിരുന്നു. മമ്മൂട്ടി 15 ലക്ഷം രൂപയും ദുല്‍ഖര്‍ സല്‍മാന്‍ 10 ലക്ഷവുമാണ് നല്‍കിയത്.
