ഡിജിറ്റൽ മാധ്യമ വ്യവസായം 25 ശതമാനം വളരും, ഡിജിറ്റൽ മാധ്യമങ്ങൾ ശക്തമാകും:റിപ്പോർട്ട്
ശനി, 27 മാര്‍ച്ച് 2021 (13:04 IST)
2020ലെ കൊവിഡ് പ്രതിസന്ധിയുടെ കലണ്ടർ വർഷത്തിന് ശേഷം ആഭ്യന്തര മാധ്യമങ്ങളും വിനോദ വ്യവസായവും 2021ൽ വീണ്ടും വളർച്ചയുടെ പാതയിലേക്ക് തിരിച്ചെത്തുമെന്ന് കൺസൾട്ടൻസി സ്ഥാപനമായ ഇ‌‌വൈ. ഫെഡറേഷൻ ഓഫ് ഇന്ത്യൻ ചേമ്പേഴ്സ് ഓഫ് കൊമേഴ്സ് ആൻഡ് ഇൻഡസ്ട്രിയുമായി ചേർന്ന് നടത്തിയ പഠനത്തിലാണ് ഇ‌‌വൈയുടെ നിരീക്ഷണം.
കൊവിഡ് 19 മൂലം 24 ശതമാനത്തോളം ഉണ്ടായ നഷ്ടത്തെ മറികടന്ന് മാധ്യമവ്യവസായം ഈ വർഷം 25 ശതമാനം വളർച്ച നേട്ടത്തോടെ 1.73 ട്രില്യൺ രൂപയിലെത്തുമെന്നും 2023 ഓടെ വിപണി 2.2 ട്രില്യൺ രൂപയെ മറികടക്കുമെന്ന് ഇ.വൈ. പറയുന്നു.
വിപണി വലിപ്പത്തിന്റെ അടിസ്ഥാനത്തിൽ ടിവി മാധ്യമ വ്യവസായം ഏറ്റവും വലിയ വിഭാഗമായി തുടരും. ഡിജിറ്റൽ മാധ്യമങ്ങൾ അച്ചടിയെ മറികടന്ന് കുതിപ്പ് തുടരും, ഓൺലൈൻ ഗെയിമിംഗ് ചലച്ചിത്ര വിനോദ വിഭാഗത്തെ മറികടക്കുമെന്നും പഠനത്തിൽ പറയുന്നു.
