കഴിഞ്ഞ നാലര വര്‍ഷത്തെ മുഖ്യമന്ത്രി പിണറായി വിജയന്റെ ഏകാധിപത്യ പ്രവര്‍ത്തന ശൈലിക്ക് അംഗീകാരം നല്‍കാനുള്ള വിഫലശ്രമമാണിത്.അധികാരം വിട്ടൊഴിയാന്‍ അരനാഴിക മാത്രം ശേഷിക്കെ 2018ല്‍ നിയോഗിച്ച കമ്മിറ്റിയുടെ ശുപാര്‍ശകള്‍ ചര്‍ച്ചയ്ക്ക് വന്നത് അത്ഭുതകരമായ നടപടിയാണ്.കാബിനറ്റ് സംവിധാനത്തില്‍ മന്ത്രിമാരില്‍ ഒന്നാമന്‍ എന്ന സ്ഥാനമാണ് മുഖ്യമന്ത്രിക്കുള്ളത്.മന്ത്രിമാരുടെ മുകളില്‍ വകുപ്പ് സെക്രട്ടറിമാരായ ഉദ്യോഗസ്ഥരെ പ്രതിഷ്ഠിക്കാനുള്ള ഭേദഗതി നിര്‍ദ്ദേശം ജനാധിപത്യ സംവിധാനത്തെ പരിഹസിക്കുന്നതിനും അവഹേളിക്കുന്നതിനും തുല്യമാണെന്നും അദ്ദേഹം പറഞ്ഞു.
