പാലാ ഉപതെരഞ്ഞെടുപ്പിലെ തോൽവി ദൈവ നിശ്ചയമെന്ന് യുഡിഎഫ് സ്ഥാനാർഥി ജോസ് ടോം. ഒരു തെരഞ്ഞെടുപ്പ് വിജയമോ പരാജയമോ തന്നെ തളർത്തില്ലെന്നും ജനങ്ങൾക്കൊപ്പം നിൽക്കുമെന്നും അദ്ദേഹം വ്യക്തമാക്കി.പരാജയം ആരുടേയും അവസാനമല്ല. ജനങ്ങളും ദൈവവും നിശ്ചയിച്ചത് ഇതാണ്. ആ വിധിയെ സന്തോഷത്തോടെ സ്വീകരിക്കുന്നു. പാലാ വിട്ട് എവിടെയും പോകാൻ താൻ ഉദ്ദേശിച്ചിട്ടില്ല. മുമ്പ് പ്രവർത്തിച്ചതു പോലെ തുടർന്നും ജനങ്ങളുടെ ഇടയിൽ ഉണ്ടാകുമെന്നും ജോസ് ടോം വ്യക്തമാക്കി.
