2024 ഐപിഎല്ലിന് മുന്നോടിയായി ക്രിക്കറ്റ് ആരാധകരെ ഏറ്റവും ഞെട്ടിച്ച വാര്‍ത്തയെന്നത് ഗുജറാത്ത് ടൈറ്റന്‍സ് നായകനായ ഹാര്‍ദ്ദിക് പാണ്ഡ്യ തന്റെ പഴയ തട്ടകമായ മുംബൈ ഇന്ത്യന്‍സിലേക്ക് തിരിച്ചുപോയ വാര്‍ത്തയായിരുന്നു. രോഹിത് ശര്‍മയ്ക്ക് പകരം നായകസ്ഥാനം നല്‍കികൊണ്ടാണ് മുംബൈ ഹാര്‍ദ്ദിക്കിന്റെ സ്വീകരിച്ചത്. ഗുജറാത്ത് നായകനായിരുന്ന സമയത്ത് ഒരു ഐപിഎല്‍ കിരീടം നേടാനും ഒരു തവണ ടീമിനെ റണ്ണേഴ്‌സ് അപ്പാക്കാനും ഹാര്‍ദ്ദിക്കിന് കഴിഞ്ഞിരുന്നു.
