'എന്നെ സംബന്ധിച്ചിടത്തോളം അവൻ ചെയ്തിട്ടില്ല എന്ന് നൂറ് ശതമാനം അറിയുമെന്നിരിക്കേ, അവൻ അങ്ങനെ ചെയ്തിട്ടുണ്ട് എന്ന് വിശ്വസിക്കുന്നവരോട്, അങ്ങനെയല്ല അവൻ ചെയ്തിട്ടില്ല എന്ന് പറയേണ്ട ആവശ്യം എനിക്കില്ലേ?. അവനത് ചെയ്തിട്ടില്ല എന്ന് അവരോട് ഞാൻ പറയേണ്ടതാണ്. ആക്രമിക്കപ്പെട്ട നടി അടക്കം അവനാണ് അങ്ങനെ ചെയ്തതെന്ന് വിശ്വസിച്ചിരിക്കുന്നത് തെറ്റാണെന്ന് കടുത്ത ബോധ്യം എനിക്കുണ്ട്. അതൊരിക്കലും മാറാൻ പോകുന്നില്ല.‘
‘അതിൽ അവന് യാതോരു പങ്കുമില്ലെന്ന് എനിക്ക് നൂറ് ശതമാനം അറിയാം. ഒരു തെറ്റ് ചെയ്താൽ കോടതി വിധിക്കുമ്പോൾ മാത്രമേ പ്രതിയെന്ന് വിളിക്കാനാകൂ. അവന് നേരെയുള്ളത് ആരോപണമാണ്. ആ ആരോപണത്തിന്റെ പേരിൽ അയാളും അയാളുടെ കുടുംബവും അനുഭവിച്ചത് എന്തൊക്കെയാണ്?. അവനെ കല്ലെറിയുക എന്ന് ആർത്ത് വിളിക്കുന്നവർക്ക് അവനെ അറിയില്ല. എനിക്ക് നന്നായിട്ടറിയാം അവനെ.‘- അടുത്തിടെ ഒരു മാധ്യമത്തിന് നൽകിയ അഭിമുഖത്തിൽ ലാൽ ജോസ് പറഞ്ഞു.
