ക്രിസ്തുവിന്റെ കയ്യില്‍ കുരിശിന് പകരം എസ്എഫ്ഐയുടെ പതാക; സംഭവം വിവാദത്തില്‍
വ്യാഴം, 24 ഓഗസ്റ്റ് 2017 (10:14 IST)
എസ്എഫ്ഐ പതാകയുമായി നില്‍ക്കുന്ന ക്രിസ്തുവിന്റെ ചിത്രം ഫേസ്ബുക്കില്‍ പ്രചരിപ്പിച്ചത് വിവാദമാകുന്നു. ചങ്ങനാശ്ശേരി എസ് ബി കോളജ് അങ്കണത്തിലുള്ള യേശുക്രിസ്തുവിന്റെ പ്രതിമയില്‍ കുരിശിന്റെ സ്ഥാനത്ത് എസ്എഫ്ഐയുടെ പതാക പിടിച്ചിരിക്കുന്നതായിരുന്നു ദൃശ്യം.
എന്നാല്‍ ഇത് എംജി സര്‍വകലാശാലയിലെ കോളേജ് യൂണിയന്‍ തെരഞ്ഞെടുപ്പില്‍ എസ്എഫ്ഐ സ്ഥാനാര്‍ത്ഥികള്‍ വിജയിച്ചതില്‍ അഹങ്കരിച്ചാണ് ഇങ്ങനെ ചെയ്തതെന്ന് കെ എസ് യു ആരോപിച്ചു.
എസ് ബി കോളേജിലെ വിദ്യാര്‍ത്ഥിയല്ലാത്ത ഒരാള്‍ ഫേസ്ബുക്കില്‍ പോസ്റ്റ് ചെയ്ത ചിത്രവുമായി സംഘടനയ്ക്ക് ബന്ധമില്ലെന്നും ഇത് എസ് ബി കോളേജ് ആണെന്ന് ചിത്രീകരിക്കുന്നത് എന്തുകൊണ്ടാണെന്ന് അറിയില്ലെന്നും എസ്എഫ്ഐ നേതൃത്വം പ്രതികരിച്ചു.
