നേരത്തെ വേങ്ങര നിയമസഭാ മണ്ഡലത്തിൽ നിന്നു ജയിച്ച് എംഎൽഎ ആയ ശേഷം ആ സ്ഥാനം രാജിവെച്ചാണ് പി.കെ കുഞ്ഞാലിക്കുട്ടി മലപ്പുറത്ത് നിന്ന് ലോക്‌സഭയിലേക്ക് മത്സരിച്ചത്. 2019ൽ നടന്ന ലോക്‌സഭാ തിരഞ്ഞെടൽപ്പിൽ രാഹുൽ ഗാന്ധി കഴിഞ്ഞാൽ കേരളത്തിൽ നിന്ന് ഏറ്റവും അധികം ഭൂരിപക്ഷം ലഭിച്ചത് കുഞ്ഞാലിക്കുട്ടിക്കായിരുന്നു.സിപിഎമ്മിന്റെ വി.പി സാനുവിനോട് മത്സരിച്ച് 2.60 ലക്ഷം വോട്ടിന്റെ ഭൂരിപക്ഷത്തോടെയാണ് കുഞ്ഞാലിക്കുട്ടി ജയിച്ചു കയറിയത്. ലോക്‌സഭാ തിരഞ്ഞെടുപ്പ് കഴിഞ്ഞ് രണ്ട് വർഷം പോലും തികയും മുൻപാണ് കുഞ്ഞാലിക്കുട്ടി ഇപ്പോൾ എംപി സ്ഥാനം രാജിവെക്കുന്നത്.
