കേന്ദ്ര ഇലക്ഷന്‍ കമ്മീഷന്‍ പ്രതിനിധികളുടെ കേരള സന്ദര്‍ശനം മാറ്റിയതായി ചീഫ് ഇലക്ട്രല്‍ ഓഫീസര്‍ ടിക്കാറാം മീണ അറിയിച്ചു. നേരത്തെ ജനുവരി 21, 22 തീയതികളില്‍ എത്തുമെന്നായിരുന്നു അറിയിച്ചിരുന്നത്. എന്നാല്‍ ഈ മാസം അവസാനത്തോടെ മാത്രമേ സംഘം സന്ദര്‍ശനം നടത്തൂ എന്നാണ് കരുതുന്നത്. അന്തിമ അറിയിപ്പ് പിന്നീട് വരുമെന്ന് ചീഫ് ഇലക്ട്രല്‍ ഓഫീസര്‍ അറിയിച്ചിട്ടുണ്ട്. രണ്ടു ഘട്ടങ്ങളിലായി നിയമ സഭാ തിരഞ്ഞെടുപ്പ് നടത്താനാണ് ആലോചന.
