Rishab Pant,Delhi Capitals,IPL 2024
ഐപിഎല്‍ 2024 സീസണ്‍ ആരംഭിക്കുമ്പോള്‍ തന്നെ ഇന്ത്യന്‍ സെലക്ടര്‍മാര്‍ പ്രധാനമായും നോട്ടമിട്ടിരുന്നത് ഐപിഎല്ലില്‍ നിന്നും ലോകകപ്പ് ടീമിലേക്ക് ഒരു വിക്കറ്റ് കീപ്പര്‍ താരത്തെ കണ്ടെത്തുക എന്നതായിരുന്നു. പരിക്കിന്റെ പിടിയിലായിരുന്ന റിഷഭ് പന്തിന് തിരിച്ചുവരവിന് കൂടുതല്‍ സമയം വേണ്ടിവരും എന്നതിനാല്‍ തന്നെ സഞ്ജു സാംസണ്‍,ധ്രുവ് ജുറെല്‍,ജിതേഷ് ശര്‍മ,കെ എല്‍ രാഹുല്‍,ഇഷാന്‍ കിഷന്‍ എന്നിവര്‍ക്കായിരുന്നു കൂടുതല്‍ സാധ്യതകള്‍ പ്രതീക്ഷിച്ചിരുന്നത്. ഇവരില്‍ സഞ്ജു സാംസണ്‍ ഐപിഎല്ലിലെ ആദ്യ മത്സരം തകര്‍ത്തടിച്ചുകൊണ്ടാണ് സീസണിന് തുടക്കമിട്ടത്. എന്നാല്‍ ആദ്യ 4 മത്സരങ്ങള്‍ പിന്നിടുമ്പോള്‍ 2 അര്‍ധസെഞ്ചുറികളുമായി ബാറ്ററെന്ന നിലയില്‍ കളം നിറയുകയാണ് റിഷഭ് പന്ത്.
