ജാക്ക് & ജില്ലിൽ മഞ്ജു ഒരു ട്രാക്ക് ആലപിക്കുന്നുണ്ട്. ലോക്ക് ഡൗൺ കഴിഞ്ഞാൽ ഉടൻ ഗാനം റിലീസ് ചെയ്യുമെന്നും സന്തോഷ് ശിവൻ പറഞ്ഞു. മാത്രമല്ല ഈ ചിത്രത്തിൻറെ മറ്റൊരു പ്രത്യേകതയാണ് പൃഥ്വിരാജിന്റെ നരേഷൻ. പൃഥ്വിരാജിന്റെ നരേഷൻ റെക്കോർഡു ചെയ്യുന്നതുൾപ്പെടെയുള്ള പോസ്റ്റ് പ്രൊഡക്ഷൻ വർക്ക് പൂർത്തിയായും അദ്ദേഹം പറഞ്ഞു.
സൗബിൻ, ബേസിൽ ജോസഫ്, അജു വർഗീസ്, നെടുമുടി വേണു, ഷൈലി കിഷൻ എന്നിവരാണ് ചിത്രത്തിൽ പ്രധാനവേഷങ്ങളിൽ എത്തുന്നത്. സംവിധായകൻ സന്തോഷ് ശിവൻ തന്നെയാണ് ഛായാഗ്രഹണവും നിർവഹിക്കുന്നത്. ദുബായ് ആസ്ഥാനമായുള്ള ലെന്‍സ്‌മാന്‍ സ്റ്റുഡിയോയുടെ സഹകരണത്തോടെയാണ് ‘ജാക്ക് ആൻഡ് ജില്‍’ നിര്‍മ്മിക്കുന്നത്. ഗോപിസുന്ദർ ആണ് ചിത്രത്തിന്റെ സംഗീതമൊരുക്കുന്നത്.
