രജപുത്രയുടെ പതിനാലാമത് ചിത്രവും മോഹന്‍ലാലിന്റെ മുന്നൂറ്റിഅറുപതാമത് ചിത്രവുമാണിത്. ഓപ്പറേഷന്‍ ജാവ, സൗദി വെള്ളക്ക എന്നീ സിനിമകള്‍ക്ക് ശേഷം തരുണ്‍ മൂര്‍ത്തി ഒരുക്കുന്ന ചിത്രം ആയതിനാല്‍ വലിയ പ്രതീക്ഷകളാണ് ആരാധകര്‍ക്ക്.
' വളരെ സാധാരണക്കാരനായ ഒരാളാണ്. പക്ക ഫാമിലി മാന്‍. കഥാപാത്രം സാധാരണക്കാരന്റെതാണ്. പക്ഷേ അദ്ദേഹം നേരിടേണ്ടിവരുന്ന സാഹചര്യങ്ങള്‍ അത്ര സാധാരണമായിരിക്കില്ല.അതുകൊണ്ടു തന്നെ ആദ്യം ചെറിയ സിനിമയാണെന്ന് തോന്നുമെങ്കിലും ഇതൊരു വലിയ ചിത്രമാണ്. പത്തനംതിട്ട റാന്നിയാണ് പ്രധാന ലൊക്കേഷന്‍. കുറച്ചുഭാഗം തൊടുപുഴയിലും ചിത്രീകരിക്കാമെന്നാണ് കരുതുന്നത്. കാസ്റ്റിങ് രണ്ടു ദിവസത്തിനുള്ളില്‍ പൂര്‍ത്തിയാകും. ഏപ്രില്‍ രണ്ടാംവാരത്തോടെ ചിത്രീകരണം തുടങ്ങാമെന്നാണ് കരുതുന്നത്.',-രഞ്ജിത്ത് ഒരു അഭിമുഖത്തിനിടെ പറഞ്ഞു.
