നീണ്ട അഞ്ചു വര്‍ഷത്തെ പ്രണയത്തിന് ഇക്കഴിഞ്ഞ ജനുവരി 22നാണ് ഭാവനയും കന്നഡ നിര്‍മ്മാതാവ് നവീനും വിവാഹിതരായത്. വിവാഹശേഷം താന്‍ സിനിമ എന്ന മേഖലയില്‍ നിന്ന് മാറിനിക്കില്ലെന്ന് നടി നേരത്തേ അറിയിച്ചിരുന്നു. ഇപ്പോഴിതാ ആ വാക്കുകളെ സാധൂകരിയ്ക്കുന്ന തരത്തിലുള്ള റിപ്പോര്‍ട്ടാണ് ന്യൂസ് മിനിറ്റ് പുറത്തു വിട്ടിരിക്കുന്നത്.
ഭാവന ഒരു കന്നഡ ചിത്രത്തില്‍ അഭിനയിക്കാനുള്ള തയ്യാറെടുപ്പിലാണ്. രണ്ട് വ്യത്യസ്ത കഥാപാത്രങ്ങളെയാണ് ചിത്രത്തിൽ ഭാവന അവതരിപ്പിക്കുക. ജനുവരി 27ന് തന്നെ ഈ ചിത്രത്തിന്റെ ഷൂട്ടിങ് ആരംഭിച്ചു. ഫെബ്രുവരി 9ന് ഭാവന ചിത്രത്തില്‍ ജോയിന്‍ ചെയ്യുമെന്നാണ് സൂചന. ഇന്‍സ്‌പെക്ടര്‍ വിക്രം എന്ന് പേരിട്ടിരിക്കുന്ന ചിത്രത്തിൽ പ്രജ്വാള്‍ ദേവരാജ് ആണ് ഭാവനയുടെ നായകൻ.
