ആദ്യ നോട്ടത്തില്‍ തന്നെ പലര്‍ക്കും ആളെ മനസ്സിലായി കാണും. നടി അഹാനയും സഹോദരിയുമാണ് ചിത്രത്തിലുള്ളത്. കുഞ്ഞനുജത്തിയോടൊപ്പം ക്രോക്കടില്‍ പാര്‍ക്കില്‍ പോയതാണ് ഇരുവരും. മുതല കുഞ്ഞുങ്ങളെ കാണാന്‍ എത്തിയ തന്റെ കൂടെയുള്ളത് ഏത് സഹോദരി ആണെന്നാണ് അഹാന ചോദിക്കുന്നത്.
കൂടിയുള്ള അനുജത്തി ആരാണെന്ന് ഒറ്റനോട്ടത്തില്‍ മനസ്സിലാക്കാന്‍ ബുദ്ധിമുട്ടാണ്. കാരണം അഹാനയ്ക്ക് മൂന്ന് സഹോദരിമാരാണുള്ളത്. തന്റെ മോളെപ്പോലെ സ്‌നേഹം കൊടുത്ത് വളര്‍ത്തിയ കുഞ്ഞ് സഹോദരിയാണ് കൂടിയുള്ളത്.അഹാനയെക്കാള്‍ പത്തു വയസിന് താഴെയുള്ള സഹോദരി.ഏറ്റവും ഇളയ അനുജത്തി ഹന്‍സിക കൃഷ്ണയാണ് ചിത്രത്തിലുള്ളത്.
ആദ്യസിനിമയായ 'ഞാന്‍ സ്റ്റീവ് ലോപ്പസ്' ചിത്രത്തിന് ശേഷം അഞ്ചുവര്‍ഷം കഴിഞ്ഞാണ് അഹാന ഞണ്ടുകളുടെ നാട്ടില്‍ ഒരിടവേള എന്ന ചിത്രത്തിലൂടെ വീണ്ടും സിനിമയില്‍ സജീവമായത്. ലൂക്ക എന്ന സിനിമയിലൂടെയാണ് അഹാന ശ്രദ്ധിക്കപ്പെട്ടത്.
അഹാന കൃഷ്ണകുമാര്‍ ആദ്യമായി സംവിധാനം ചെയ്ത 'തോന്നല്‍' എന്ന മ്യൂസിക് ആല്‍ബം യൂട്യൂബില്‍ ഇപ്പോഴും ആളുകള്‍ കാണുന്നുണ്ട്.
