മരക്കാര്‍ അറബിക്കടലിന്റെ സിംഹം എന്ന ബ്രഹ്മാണ്ഡ സിനിമയുടെ പ്രൊമോഷന്‍ ചടങ്ങിനിടെ മമ്മൂട്ടിയുടെ കുഞ്ഞാലി മരക്കാറിനെ പരോക്ഷമായി പരാമര്‍ശിച്ച് മോഹന്‍ലാല്‍. പ്രിയദര്‍ശന്‍ - മോഹന്‍ലാല്‍ കൂട്ടുകെട്ടില്‍ മരക്കാര്‍ അറബിക്കടലിന്റെ സിംഹം പ്രഖ്യാപിച്ച സമയത്ത് മമ്മൂട്ടിയെ നായകനാക്കി സന്തോഷ് ശിവന്‍ 'കുഞ്ഞാലി 4' ചെയ്യുന്നതായി പ്രഖ്യാപനം നടന്നിരുന്നു.
മരക്കാര്‍ അറബിക്കടലിന്റെ സിംഹം തുടങ്ങാന്‍ ഗ്യാപ്പ് ഇട്ടത് മറ്റ് ചിലര്‍ മരക്കാര്‍ ചെയ്യുന്നതായി കേട്ടതുകൊണ്ടാണെന്ന് മോഹന്‍ലാല്‍ പറഞ്ഞു. ഒരേ കഥ തന്നെ രണ്ട് സിനിമ ആകുന്നത് ആവശ്യമില്ലല്ലോ എന്ന് കരുതി. പിന്നീട് അവര്‍ ചെയ്യുന്നില്ലെന്ന് ഉറപ്പായപ്പോള്‍ ആണ് താനും പ്രിയനും മരക്കാര്‍ അറബിക്കടലിന്റെ സിംഹവുമായി മുന്നോട്ടു പോയതെന്നും മോഹന്‍ലാല്‍ കൂട്ടിച്ചേര്‍ത്തു.
