ഇന്ത്യന്‍ വിപണിയില്‍ തങ്ങളുടെ ഫ്ലാഗ്ഷിപ്പ് മോഡലായ എംഐ 5ന് വന്‍ ഡിസ്കൌണ്ടുമായി ഷവോമി. 24,999 രൂപയുണ്ടായിരുന്ന ഈ ഫോണ്‍ ഇപ്പോള്‍ 2,000 രൂപ ഡിസ്കൗണ്ടില്‍ 22,999 രൂപയ്ക്ക് ലഭ്യമാകും. ഫ്ലിപ്പ്കാര്‍ട്ട് വഴിയും ഷവോമിയുടെ സൈറ്റായ എംഐ.കോം വഴിയും ഈ ഓഫര്‍ ലഭ്യമാകും.
കഴിഞ്ഞ മാര്‍ച്ചിലാണ് ഷവോമി എംഐ5 ഇന്ത്യയില്‍ അവതരിപ്പിച്ചത്. 5.15 ഇഞ്ച് സ്‌ക്രീനാണ് എംഐ5നുള്ളത്. കൂടാതെ ഫിംഗര്‍ പ്രിന്റ് സ്‌കാനര്‍ സംവിധാനം, 2കെ ഡിസ്‌പ്ലേയുടെ റെസല്യൂഷന്‍ എന്നിവയും ഫോണിന്റെ സവിശേഷതകളാണ്.