ഇന്ത്യയുടെ അഭിമാനം സൈന നെഹ്‌വാള്‍ മലേഷ്യന്‍ ഓപ്പണ്‍ സൂപ്പര്‍ സീരീസ്‌ ബാഡ്മിന്റണ്‍ ടൂര്‍ണമെന്‍റിന്‍റെ സെമിഫൈനലില്‍ ചൈനീസ്‌ താരങ്ങളായ വാംഗ്‌ യിഹാന്‍ - സെര്‍ലു ലി മത്സരത്തിലെ വിജയിയെ നേരിടും. ശനിയാഴ്ചയാണ് ആവേശം പടര്‍ത്തുന്ന മത്സരം.
ഡെന്‍‌മാര്‍ക്കിന്‍റെ ടിനെ ബോനിനെ ഒന്നിനെതിരെ രണ്ടു സെറ്റുകളില്‍ വീഴ്ത്തിയാണ് സൈന നെഹ്‌വാള്‍ സെമിയിലെത്തിയത്.
സ്കോര്‍: 21-13, 21-23, 21-13
“ടിനെയ്ക്കെതിരെ ജയിക്കാമെന്ന വിശ്വാസം എനിക്കുണ്ടായിരുന്നു. രണ്ടാം ഗെയിമില്‍ വളരെ മികച്ച പ്രകടനമാണ് അവര്‍ നടത്തിയത്. എന്നാല്‍ കളിയുടെ അന്തിമ ഘട്ടത്തില്‍ ടിനെ തളര്‍ന്നു” - സൈന പ്രതികരിച്ചു.
