ജൂനിയര്‍ താരങ്ങള്‍ക്കൊപ്പം ഒളിമ്പിക്സിനില്ല: പെയ്സ്

PRO

PRO

ഒളിമ്പിക്‌സ്‌ ഡബിള്‍സില്‍ ജൂനിയര്‍ താരങ്ങള്‍ക്കൊപ്പം കളിക്കാനില്ലെന്ന് ലിയാന്‍‌ഡര്‍ പെയ്സ്. തനിക്കൊപ്പം ജൂനിയര്‍ താരത്തെ കളിപ്പിക്കാനാണ്‌ ശ്രമമെങ്കില്‍ താന്‍ പിന്മാറുമെന്ന്‌ ലിയാന്‍ഡര്‍ ഓള്‍ ഇന്ത്യ ടെന്നീസ് അസോസിയേഷന് പെയ്സ് അയച്ച കത്തില്‍ വ്യക്തമാക്കുന്നു.

മഹേഷ്‌ ഭൂപതിയും രോഹന്‍ ബൊപ്പണ്ണയും തനിക്കൊപ്പം കളിക്കാന്‍ വിസമ്മതം പ്രകടിപ്പിച്ച സാഹചര്യത്തില്‍ ജൂനിയര്‍ താരങ്ങള്‍ക്കൊപ്പം കളിച്ച് തോല്‍ക്കാന്‍ താനില്ല. ഭൂപതിക്കും ബൊപ്പണ്ണയ്ക്കും വെറുപ്പാണെങ്കില്‍ കൂടി അവരോടൊപ്പം കളിക്കാന്‍ താന്‍ തയ്യാറാണെന്നും പെയ്‌സ്‌ കത്തില്‍ പറയുന്നു.

ലിയാന്‍ഡര്‍ പേസിനൊപ്പം കളിക്കില്ലെന്ന മഹേഷ് ഭൂപതിയുടെയും രോഹന്‍ ബൊപ്പണ്ണയുടെയും കടുംപിടിത്തം, മിക്‌സഡ് ഡബിള്‍സില്‍ സാനിയയുടെ പങ്കാളിത്തത്തെയും അനിശ്ചിതത്വത്തിലാക്കിയിട്ടുണ്ട്. ഫ്രഞ്ച് ഓപ്പണില്‍ മിക്‌സഡ് ഡബിള്‍സ് കിരീടം ചൂടിയ സാനിയ-ഭൂപതി സഖ്യം ഒളിമ്പിക്‌സില്‍ മെഡല്‍ പ്രതീക്ഷയുള്ള ജോഡിയാണ്.