കേന്ദ്രസര്‍ക്കാര്‍ നടപ്പിലാക്കിയ ജി‌എസ്‌ടിക്കെതിരെ പ്രതിഷേധം ശക്തമാകുകയാണ്. പ്രതിഷേധിക്കുന്നവരെ അടിച്ചമര്‍ത്തുന്ന ബിജെപി നയങ്ങള്‍ക്കെതിരെ ഹോട്ട് നായിക രാഖി സാവന്ത് രംഗത്ത് വന്നിരിക്കുകയാണ്. ഒരു കാലത്ത് മോദിയുടെ കടുത്ത ആരാധികയായിരുന്ന സാവന്താണ് ഇപ്പോള്‍ മോദിക്കെതിരെ ആഞ്ഞടിച്ച് രംഗത്ത് വന്നിരിക്കുന്നത്.
മോദിയുടെ ഇഷ്ടം മാത്രമാണ് രാജ്യത്ത് നടക്കുന്നത്. മറ്റുള്ളവര്‍ക്ക് ഇന്ത്യയില്‍ യാതൊരു പ്രസക്തിയുമില്ലെന്നും രാഖി സാവന്ത് ആഞ്ഞടിക്കുന്നു. രാജ്യത്തെ എങ്ങോട്ടാണ് അദ്ദേഹം നയിക്കുന്നതെന്ന കാര്യത്തില്‍ തനിക്ക് വ്യക്തതയില്ലെന്നും രാഖി കൂട്ടിച്ചേര്‍ത്തു.
നരേന്ദ്രമോദി അധികാരത്തിലെത്തിയ കാലം മുതല്‍ കടുത്ത മോദി ആരാധികയായിരുന്നു രാഖി സാവന്ത്. മോദിയുടെ ചിത്രം ധരിച്ച ടീ ഷര്‍ട്ട് ധരിച്ച് വാര്‍ത്ത സൃഷ്ടിച്ച അതേ രാഖി സാവന്താണ് ഇപ്പോള്‍ നരേന്ദ്രമോദിക്കെതിരെ രൂക്ഷ വിമര്‍ശനവുമായി എത്തിയത് എന്നതും ശ്രദ്ധേയമാണ്.