ടുജി കേസില്‍ ആരോപണം നേരിടുന്ന ഒരു കമ്പനി ഉദ്യോഗസ്ഥര്‍ രഞ്ജിത് സിന്‍ഹയുമായി കണ്ടതും സംസാരിച്ചതുമാണ് സുപ്രീം കോടതിയുടെ വിമര്‍ശനത്തിന് കാരണമായത്. രഞ്ജിത് സിന്‍ഹയുടെ വസതിയിലെ ഒറിജിനല്‍ വിസ്റ്റര്‍ ഡയറിയാണ് പ്രശാന്ത് ഭൂഷണ്‍ സുപ്രീംകോടതിക്ക് തെളിവായി കൈമാറിയത്.
1.76 ലക്ഷം കോടിരൂപയുടെ അഴിമതി നടന്ന ടുജി കേസില്‍ രഞ്ജിത് സിന്‍ഹയും ഒരു കമ്പനി ഉദ്യോഗസ്ഥനും പലതവണ കണ്ടുമുട്ടിയെന്നതിന് തെളിവാണ് വിസ്റ്റര്‍ ഡയറിയെന്ന് പ്രശാന്ത് ഭൂഷണ്‍ കോടതിയില്‍ പറഞ്ഞിരുന്നു. ഇക്കാര്യത്തില്‍ പത്ത് ദിവസത്തിനകം വിശദീകരണം നല്‍കാന്‍ രഞ്ജിത് സിന്‍ഹയോട് കോടതി ആവശ്യപ്പെട്ടിരുന്നത്. വിശിദീകരണം കിട്ടിയ ശേഷം ആവശ്യമായ തീരുമാനം എടുക്കുമെന്ന് കോടതി കഴിഞ്ഞ ദിവസം പറഞ്ഞിരുന്നു.