വീട്ടില്‍ അതിക്രമിച്ചു കയറി ഗ്രഹനാഥനെ കുത്തിവീഴ്ത്തി അദ്ദേഹത്തിന്റെ ഭാര്യയേ കൂട്ടമാനഭംഗത്തിനിരയാക്കി. രാജസ്ഥാനിലേ ജയ്പൂരിലാണ് മനസാക്ഷിയേ നടുക്കിയ സംഭവം നടന്നത്. ജ്വല്ലറി ഉടമയായ ഗ്രഹനാഥന്റെ ഇരുനിലവീടിന്റെ അടുക്കളവഴി അതിക്രമിച്ചു കടന്ന് രണ്ടംഗ സംഘമാണ് ഈ കൃത്യം ചെയ്തത്.
വീട്ടില്‍ അതിക്രമിച്ചുകടന്ന അക്രമികളെ കണ്ട് ആളുകളെ വിവരമറിയിക്കാന്‍ ശ്രമിച്ചുവെങ്കിലും ഇയാളെ അക്രമികള്‍ കുത്തി വീഴ്ത്തുകയായിരുന്നു. ഇയാളെ അക്രമികള്‍ ഒമ്പതു തവണ കുത്തി എന്നാണ് പൊലീസ് പറയുന്നത്.
അക്രമികളെ തടയാന്‍ ശ്രമിച്ച ഇയാളുടെ വൃദ്ധനായ പിതാവും ഗ്രഹനാഥന്റെ ഭാര്യയേയും അക്രമികള്‍ വെറുതേ വിട്ടില്ല. ഇരുവരേയും ആക്രമിച്ച അക്രമികള്‍ ചെറുക്കാന്‍ ശ്രമിച്ച ഇയാളുടെ ഭാര്യയെ പിന്നീട് സംഘം കൂട്ടബലാല്‍സംഗം ചെയ്തു. ബഹളം കേട്ട് ഓടിയെത്തിയ ആളുകളാണ് വീട്ടമ്മയേയും വൃദ്ധനെയും ആശുപത്രിയിലാക്കിയത്.
വീട്ടുടമയുടെ നില ഗുരുതരമാണെന്ന് പൊലീസ് അറിയിച്ചു. പ്രതികള്‍ക്കു വേണ്ടി തെരച്ചില്‍ ഊര്‍ജിതമാക്കിയിട്ടുണ്ട്. ജയ്പ്പൂരിലെ സമ്പന്നര്‍ താമസിക്കുന്ന മേഖലയിലാണ് സംഭവം നടന്നത്. അതിനാല്‍ വ്യാപാര മേഖലയിലെ വിദ്വേഷമാകാം പ്രശ്നത്തിന് കാരണമെന്ന് പൊലീസ് കരുതുന്നു.