മോഡി തരംഗത്തില്‍ മാത്രം ആശ്രയിച്ചാല്‍ ജയിക്കാനാവില്ലെന്ന് നിതിന്‍ ഗഡ്കരി
വരുന്ന നിയമസഭ തിരഞ്ഞെടുപ്പുകളില്‍ മോഡിതരംഗത്തില്‍ മാത്രം ആശ്രയിക്കരുതെന്ന് കേന്ദ്ര മന്ത്രി നിതിന്‍ ഗഡ്കരി. എന്നാല്‍ രാജ്യത്ത് മോഡി തരംഗമുണ്ടെന്ന് സമ്മതിച്ച ഗഡ്കരി പാര്‍ട്ടി പ്രവര്‍ത്തകരോട് ജനങ്ങള്‍ക്കിടയിലേയ്ക്ക് ഇറങ്ങിച്ചെന്ന് പ്രവര്‍ത്തിക്കാന്‍ ആവശ്യപ്പെട്ടു.പൂനെയില്‍ സംഘടിപ്പിച്ച പാര്‍ട്ടി റാലിയില്‍ പ്രസംഗിക്കുകയായിരുന്നു ഗഡ്കരി.
മോഡി തരംഗത്തേയും അദ്ദേഹത്തിന്റെ നേതൃപാടവത്തേയും നമുക്ക് വിശ്വസിക്കാം. പക്ഷേ ഈ ഘടകങ്ങള്‍ കോണ്ട് മാത്രം സംസ്ഥാന തിരഞ്ഞെടുപ്പുകളില്‍ വിജയത്തിലെത്താമെന്ന് സ്വപ്നം കാണണ്ട. വോട്ടര്‍മാരുടെ വിശ്വാസമാര്‍ജ്ജിക്കാന്‍ അവര്‍ക്കിടയിലേയ്ക്ക് ഇറങ്ങിച്ചെന്ന് പ്രവര്‍ത്തിക്കണം ഗഡ്കരി പ്രവര്‍ത്തകരോട് പറഞ്ഞു.
