സംശയം വേണ്ട; പ്രകാശ് തന്നെ മുഖ്യമന്ത്രി: സുഖ്ബിര്
വ്യാഴം, 8 മാര്‍ച്ച് 2012 (14:35 IST)
PTI
PTI
പഞ്ചാബില്‍ പ്രകാശ് സിംഗ് ബാദല്‍ തന്നെ മുഖ്യമന്ത്രിയാകുമെന്ന് ശിരോമണി അകാലിദള്‍ നേതാവ് സുഖ്ബിര് സിംഗ് ബാദല്‍. ഇക്കാര്യത്തില്‍ യാതൊരു ആശയക്കുഴപ്പവും ഇല്ലെന്നും സുഖ്ബിര് പറഞ്ഞു.
പ്രകാശ് സിംഗ് ബാദല്‍ പഞ്ചാബില്‍ മുഖ്യമന്ത്രിയായി തുടരും. സത്യപ്രതിജ്ഞാ ചടങ്ങുകള്‍ അടുത്ത ആഴ്ചയില്‍ ആയിരിക്കും. ഞങ്ങള്‍ ഭരണത്തില്‍ തുടരണമെന്നാണ് ജനങ്ങള്‍ ആഗ്രഹിച്ചത്. ഞങ്ങളുടെ ഭരണം ജനങ്ങള്‍ വിലയിരുത്തി- സുഖ്ബിര് പറഞ്ഞു.
പഞ്ചാബിലെ ജനങ്ങളുടെ വിജയം കൂടിയാണ് ഇത്തവണത്തെ തെരഞ്ഞെടുപ്പിലുണ്ടായത്. പഞ്ചാബിലെ ജനങ്ങളുടെ ആഗ്രഹങ്ങള്‍ നിറവേറ്റുന്ന തരത്തിലുള്ളതാകും ഭരണമെന്നും സുഖ്ബിര് സിംഗ് പറഞ്ഞു.
