ഉക്രൈയിനില്‍ മേല്‍വസ്ത്രം ഉരിഞ്ഞ് പ്രകടനം നടത്തിയ സ്ത്രീകള്‍ ത്രിവര്‍ണ പതാകയെ അപമാനിച്ച സംഭവത്തില്‍ നടപടിയുണ്ടാകുമെന്ന് റിപ്പോര്‍ട്ട്. ജനുവരി 19-നാണ് രാജ്യതലസ്ഥാനമായ കീവിലെ ഇന്ത്യന്‍ എംബസിക്ക് മുമ്പില്‍ സ്ത്രീകള്‍ പ്രകടനം നടത്തിയത്.
മധ്യേഷ്യന്‍ രാജ്യങ്ങളില്‍ നിന്നുള്ള വിസ നിയന്ത്രിക്കാനുള്ള ഇന്ത്യയുടെ തീരുമാനത്തിനെതിരെയായിരുന്നു പ്രതിഷേധം. ഈ രാജ്യങ്ങളില്‍ നിന്നുള്ള ലൈംഗിക മനുഷ്യക്കടത്ത്, ലൈംഗിക വിനോദസഞ്ചാരം എന്നിവ വര്‍ധിച്ചുവരുന്നതായി കണ്ടെത്തിയതിനേ തുടര്‍ന്നാണ് വീസ നിയന്ത്രിക്കാര്‍ ഇന്ത്യ തീരുമാനിച്ചത്.
പ്രതിഷേധക്കാര്‍ ഇന്ത്യന്‍ പതാക നിലത്തെറിഞ്ഞെന്നും ചവിട്ടിയെന്നുമൊക്കെ റിപ്പോര്‍ട്ടുകളുണ്ട്. പതാക ഉപയോഗിച്ച് ജനല്‍ച്ചില്ലുകളും മറ്റും അടിച്ചുതകര്‍ത്തതായി കീവിലെ ഇന്ത്യന്‍ അംബാസഡര്‍ അറിയിച്ചു.
