മതവിമർശനം നടത്തുന്നവരെ തെരഞ്ഞെടുപ്പിൽ പാഠം പഠിപ്പിക്കണമെന്ന് പറയുന്ന സൈബർ സഖാക്കള്‍ മാര്‍ക്ക്‌സിസ്റ്റുകളോ അതോ ഇടതുപക്ഷ ആട്ടിന്‍തോലിട്ട സുഡാപ്പികളോ ?; വി.ടി ബല്റാം
സൈബര്‍ സഖാക്കള്‍ക്കെതിരെ വിമര്‍ശനവുമായി വി.ടി ബല്റാം എം.എല്‍.എ. മതങ്ങള്‍ക്കെതിരെ വിമര്‍ശനം നടത്തുന്ന പൊതുപ്രവര്‍ത്തകരെ തെരഞ്ഞെടുപ്പില്‍ പാഠം പഠിപ്പിക്കണമെന്ന് ആഹ്വാനം ചെയ്യുന്ന ഇവര്‍ യഥാര്‍ത്ഥത്തില്‍ മാര്‍ക്ക്‌സിസ്റ്റുകളോ അതോ ഇടതുപക്ഷ ആട്ടിന്‍തോലിട്ട സുഡാപ്പികളോ ആണോ എന്നായിരുന്നു ബല്‍റാമിന്റെ ചോദ്യം. ഇത്തരക്കാരെ സുഡാപ്പി സഖാക്കള്‍/സഖാപ്പികള്‍ എന്ന് വിളിക്കുന്നതില്‍ എന്തെങ്കിലും തെറ്റുണ്ടോയെന്നും ബല്റാം ഫേസ്ബുക്ക് പോസ്‌ററില്‍ ചോദിക്കുന്നു.