തൃശൂര്‍ പെരിങ്ങല്‍ക്കുത്ത് ഡാമിന്റെ ഷട്ടറുകള്‍ തുറന്നു. രണ്ട് ഷട്ടര്‍ ഒരു അടി വീതം തുറന്ന് സെക്കന്റില്‍ 7.5 ക്യുമെക്‌സ് വെള്ളമാണ് പുറത്തേക്ക് ഒഴുക്കുന്നത്. ഡാമിന്റെ വൃഷ്ടി പ്രദേശങ്ങളില്‍ മഴ തുടരുന്നതിനാല്‍ ജലനിരപ്പ് ഉയരുകയും ഇതേ തുടര്‍ന്ന് ഷട്ടറുകള്‍ തുറക്കാനുള്ള ഓറഞ്ച്, റെഡ് അലര്‍ട്ടുകള്‍ പുറപ്പെടുവിക്കുകയും ചെയ്തിരുന്നു.
ഡാമിലെ പരമാവധി ജലസംഭരണ ശേഷിയായ 424 മീറ്ററില്‍ എത്തിയപ്പോഴാണ് ഡാമിന്റെ ഷട്ടറുകള്‍ തുറന്നത്. ചാലക്കുടി പുഴയുടെ ഇരുകരകളിലുമുളളവര്‍ ജാഗ്രത പാലിക്കണമെന്ന് ജില്ലാ ദുരന്ത പ്രതിരോധ വിഭാഗം അറിയിച്ചു.