നടിയെ ആക്രമിച്ച സംഭവവുമായി ബന്ധപ്പെട്ട് നടന്‍ ദിലീപ് അറസ്റ്റിലായതോടെ താരത്തെ കുറിച്ചും താരത്തിന്റെ കുടുംബത്തെ കുറിച്ചും നിരവധി കഥകളാണ് പുറത്തിവന്നത്. കാവ്യ ഗര്‍ഭിണിയാണ്, സുനില്‍ കുമാര്‍ പറഞ്ഞ ‘മാഡം’ കാവ്യയുടെ അമ്മ ശ്യാമളയാണ്, മീനാക്ഷി ഗള്‍ഫില്‍ പോയി, മീനാക്ഷി മഞ്ജുവിനൊപ്പം പോയി, അനുജന്‍ എല്ലാവരേയും ഭീഷണിപ്പെടുത്തി. അങ്ങനെ നിരവധി ആരോപണങ്ങളാണ് താരത്തിനെതിരെ ഉയര്‍ന്നതെന്ന് കഴിഞ്ഞ ദിവസം നിര്‍മാതാവ് സുരേഷ് കുമാര്‍ വ്യക്തമാക്കിയിരുന്നു.
ആലുവ സബ്‌ജയിലില്‍ പോയി ദിലീപിനേയും ദിലീപിന്റെ വീട്ടില്‍ പോയി അദ്ദേഹത്തിന്റെ കുടുംബത്തേയും കണ്ട ശേഷം മനോരമ ഓണ്‍ലൈനിന് നല്‍കിയ അഭിമുഖത്തിലായിരുന്നു സുരെഷ് കുമാര്‍ ദിലീപിനെതിരെ നടക്കുന്ന പ്രചരണത്തെ കുറിച്ച് പറഞ്ഞത്. എന്ത് ചെയ്യണമെന്നൊന്നും അറിയാത്ത അവസ്ഥയിലാണ് ദിലീപിന്റെ കുടുംബമെന്ന് അദ്ദേഹം പറയുന്നു.
കാവ്യയുമായി സംസാരിച്ചു. എന്ത് ചെയ്യണം എന്ന് ആ കുട്ടിയ്ക്ക് അറിയില്ല. അവരുടെയൊക്കെ ജീവിതത്തില്‍ ഇങ്ങനെയൊക്കെയുള്ള സംഭവം ആദ്യമായിട്ടാണ്. കാവ്യയുടെ അമ്മ വെറും സാധാരണക്കാരിയായ സ്ത്രീയാണ്. മകള്‍ സിനിമയില്‍ അഭിനയിച്ചു താരമായി എന്ന് കരുതി എന്തൊക്കെയാണ് അവര്‍ കേള്‍ക്കെണ്ടി വരുന്നതെന്നും അദ്ദേഹം വ്യക്തമാക്കി.