ടാറ്റാക്കെതിരെ മൗനം പാലിക്കുന്ന സിപിഐയുടെ നിലപാട് സംശയകരമാണെന്ന് മൂന്നാര്‍ മുന്‍ ദൗത്യസംഘത്തലവന്‍ കെ സുരേഷ്കുമാര് ഐഎഎസ്. ടാറ്റാക്കെതിരെ ഒരു തരത്തിലുള്ള നടപടിയുമെടുക്കാന്‍ ഇതുവരെയും റവന്യു ഉദ്യോഗസ്ഥര്‍ തയ്യാറായിട്ടില്ലെന്നും അദ്ദേഹം പറഞ്ഞു.
കൈയേറ്റത്തിനെതിരെ സിപിഐ എടുക്കുന്ന നിലപാട് ആത്മാര്‍ത്ഥമാണെങ്കില്‍ രവീന്ദ്രന്‍ പട്ടയത്തില്‍ നിലനില്‍ക്കുന്ന സിപിഐയുടെ പാര്‍ട്ടി ഓഫിസാണ് ആദ്യം പൊളിച്ചുമാറ്റേണ്ടത്. അത് പാര്‍ട്ടി ഓഫിസല്ല. റിസോര്‍ട്ട് കൂടി ഉള്‍പ്പെടുന്ന ഏഴുനില കെട്ടിടമാണെന്നും സുരേഷ്കുമാര് പറഞ്ഞു