കേന്ദ്ര വിനോദസഞ്ചാര സഹമന്ത്രി അൽഫോൻസ് കണ്ണന്താനത്തിന്റെ പ്രൈവറ്റ് സെക്രട്ടറി സ്ഥാനത്തുനിന്ന് ‘കലക്‌ടര്‍ ബ്രോ’ എന്നറിയപ്പെടുന്ന എൻ പ്രശാന്തിനെ ഒഴിവാക്കി.
പ്രവര്‍ത്തനം ആരംഭിച്ചതു മുതല്‍ മന്ത്രിയുമായി അഭിപ്രായം വ്യത്യാസം നിലനില്‍ക്കുന്ന സാഹചര്യത്തിലാണ് പ്രശാന്ത് ഒഴിവായതെന്നാണ് റിപ്പോര്‍ട്ട്. ഇതു സംബന്ധിച്ച വിവരങ്ങള്‍ പുറത്തുവിടാന്‍ അധികൃതര്‍ തയ്യാറായിട്ടില്ല.
2007 ഐഎഎസ് ബാച്ചിലെ കേരളാ കേഡർ ഉദ്യോഗസ്ഥനാണ് പ്രശാന്ത്. സെൻട്രൽ സ്റ്റാഫിങ് സ്കീം പ്രകാരം അദ്ദേഹത്തെ ഡപ്യൂട്ടി സെക്രട്ടറിയായി നിയമിക്കും. ഏതു വകുപ്പിലേക്കാണെന്നു തീരുമാനമായിട്ടില്ല.