മുല്ലപ്പെരിയാര്‍ ജലനിരപ്പ് ഉയര്‍ത്തുന്ന ഭീഷണി, റബ്ബര്‍ വിലയിടിവിനെത്തുടര്‍ന്ന് കര്‍ഷകര്‍ നേരിടുന്ന പ്രതിസന്ധി, സംസ്ഥാനത്തിന്റെ റെയില്‍വേ വികസനം, വിമാനത്താവള ഹബ്ബുകളുമായി ബന്ധപ്പെട്ട വിഷയം, മണ്ണെണ്ണ വിഹിതം വെട്ടിക്കുറച്ചത്, പ്ലാച്ചിമട ബില്‍ എന്നീകാര്യങ്ങള്‍ ചര്‍ച്ച ചെയ്യുന്നതുമായി ബന്ധപ്പെട്ടാണ് മുഖ്യമന്ത്രിയും പ്രതിപക്ഷ നേതാവും ഡല്‍ഹിയില്‍ എത്തിയത്.
വൈകിട്ടു പ്രധാനമന്ത്രിയുമായുള്ള ചര്‍ച്ചയില്‍, കേരളത്തിന്റെ മണ്ണെണ്ണ വിഹിതം വെട്ടിക്കുറച്ച നടപടി, റബര്‍ മേഖലയിലെ പ്രതിസന്ധി, മുല്ലപ്പെരിയാര്‍, വിഴിഞ്ഞം പ്രശ്നങ്ങള്‍ തുടങ്ങിയവ ഉന്നയിക്കുമെന്നാണു സൂചന. സന്ദര്‍ശനം പൂര്‍ത്തിയാക്കി ഇന്നുതന്നെ ഇരുവരും കേരളത്തിലേക്കു മടങ്ങിയേക്കും.
