കൊക്കെയ്ന്‍ കേസ്: പ്രതികള്‍ക്ക് കൊക്കെയ്ന്‍ നല്‍കിയ ഫ്രങ്കോയെ കണ്ടത്താനായില്ല

കൊക്കെയ്ന്‍ കേസിലെ പ്രതികള്‍ക്ക്  കൊക്കെയ്ന്‍ നല്‍കിയ ഫ്രാങ്കോയെ പിടികൂടാന്‍   അന്വേഷണ സംഘത്തിന് സാധിച്ചില്ല. ഇയാളെ കണ്ടെത്തുന്നതിനായി പ്രതികളെ ഗോവയില്‍ എത്തിച്ചിരുന്നു. എന്നാല്‍ ഫ്രാങ്കോയെ കണ്ടെത്താന്‍ സാധിക്കാത്ത സാഹചര്യത്തില്‍ പ്രതികളെ നാളെ തിരിച്ചെത്തിയ്ക്കുമെന്നാണ് സൂചന.

സംഭവത്തില്‍ ഗോവയിലെ ബാഗാ ബീച്ചിലും അന്‍ജുനാ ബീച്ചിലുമാണ് പൊലീസ് അന്വേഷണം നടത്തിയത്.  ടൂറിസം സീസണ്‍ അല്ലാത്തതും ഗോവന്‍ പത്രങ്ങളില്‍ വാര്‍ത്ത വന്നതും തിരിച്ചടിയായി. ഗോവന്‍ സ്വദേശിയായ ഫ്രാങ്കോ കൊക്കെയ്ന്‍ നല്‍കിയെന്നാണ് പ്രതികള്‍ മൊഴി നല്‍കിയിരുന്നത്. കൊക്കെയ്ന്‍ കേസില്‍ ഒന്നാം പ്രതിയായ രേഷ്മ രംഗസ്വാമിയെയും രണ്ടാം പ്രതിയായ ബ്ലെസി സില്‍വസ്റ്ററിനെയുമാണ് തെളിവെടുപ്പിനായി ഗോവയിലെത്തിച്ചത്.

മലയാളം വെബ്‌ദുനിയയുടെ ആന്‍‌ഡ്രോയ്ഡ് മൊബൈല്‍ ആപ്പ് ഡൌണ്‍‌ലോഡ് ചെയ്യാന്‍ ഇവിടെ ക്ലിക്ക്  ചെയ്യുക. ഫേസ്ബുക്കിലും  ട്വിറ്ററിലും  പിന്തുടരുക.