ചെങ്ങറ പാക്കേജ് നടപ്പിലാക്കണം: ഉമ്മന്‍ചാണ്ടി

PRO

ചെങ്ങറ പാക്കേജ് പൂര്‍ണമായി നടപ്പിലാക്കണമെന്ന് പ്രതിപക്ഷ നേതാവ് ഉമ്മന്‍ചാണ്ടി.

കേരള മോചന യാത്രയ്ക്കായി കാസര്‍കോഡ് പേരിയയിലെത്തിയ ഉമ്മന്‍ചാണ്ടി മാധ്യമപ്രവര്‍ത്തകരോട് സംസാരിക്കുകയായിരുന്നു.

ചെങ്ങറ പാക്കേജ് നടപ്പിലാക്കുന്നതില്‍ സംസ്ഥാന സര്‍ക്കാര്‍ ദയനീയമായി പരാജയപ്പെട്ടിരിക്കുകയാണ്.

പാക്കേജ് പൂര്‍ണമായി നടപ്പിലാക്കുന്ന കാര്യത്തില്‍ പിറകോട്ട്‌പോകാന്‍ കഴിയില്ല. വാസയോഗ്യവും കൃഷിയോഗ്യവുമായ ഭൂമിയാണ് ചെങ്ങറയിലെ സമരക്കാര്‍ക്ക് നല്‍കേണ്ടത്.

എന്നാല്‍, ഇപ്പോള്‍ നല്‍കിയ ഭൂമി പൂര്‍ണമായും കൃഷിയോഗ്യമാണോ എന്ന കാര്യം സംശയകരമാണ്. ഇതു സംബന്ധിച്ച് സര്‍ക്കാര്‍ നിശ്ചയിച്ച മാനദണ്ഡങ്ങള്‍ അനുസരിച്ചുള്ള ഭൂമി തന്നെയാണ് വിതരണം ചെയ്യേണ്ടതെന്നും അദ്ദേഹം പറഞ്ഞു.