ശ്രീലങ്കയില്‍ വര്‍ഗീയ കലാപം
ശ്രീലങ്കയില്‍ തലസ്ഥാനമായ കൊളംബൊയ്ക്ക് വടക്കു കിഴക്കുള്ള അലുത്ഗമ, ബേറുവാല റിസോര്‍ട്ട് മേഖലകളില്‍ ബുദ്ധമതക്കാരും മുസ്ലിംങ്ങളും തമ്മിലുണ്ടായ സംഘര്‍ഷത്തില്‍ 80 പേര്‍ക്ക് പരിക്കു പറ്റി.
മുസ്ലീങ്ങളുടെ വീടുകള്‍ക്കും കടകള്‍ക്കും അക്രമികള്‍ തീയിട്ടു. അവിടങ്ങളില്‍ കര്‍ഫ്യു ഏര്‍പ്പെടുത്തി.
വാഹനം മുന്നില്‍ കയറ്റിവിടുന്നതിനെച്ചൊല്ലി ഞായറാഴ്ച ഒരു ബുദ്ധ ഭിക്ഷുവും മുസ്ലിം യുവാവും തമ്മിലുണ്ടായ തര്‍ക്കമാണ് കലാപമായി വളര്‍ന്നതെന്ന് അധികൃതര്‍ പറഞ്ഞു.
