ഹിസ്ബുല്ലയുടെ പ്രമുഖ കമാന്‍ഡര്‍ ഹുസൈന്‍ അല്‍ ലഖീസിനെ ഇസ്രയേല്‍ വധിച്ചതായി ഹിസ്ബുല്ല വക്താവ് അറിയിച്ചു. അര്‍ധരാത്രിയോടെ ബെയ്‌റൂട്ടിലെ വസതിയിലേക്ക്‌ പോകുമ്പോള്‍ കാറില്‍ വച്ച്‌ വെടിയേല്‍ക്കുകയായിരുന്നു.
സെയിലന്‍സര്‍ ഘടിപ്പിച്ച തോക്കില്‍ നിന്നുള്ള രണ്ടു വെടിയുണ്ടകള്‍തലയില്‍ തുളച്ചു കയറിയിട്ടുണ്ട്‌. സിറിയയിലെ ആഭ്യന്തര യുദ്ധത്തില്‍ പ്രസിഡന്റ്‌ ബഷാര്‍ അല്‍ അസദിന്റെ സൈന്യത്തോടൊപ്പം നിന്ന്‌ പോരാട്ടത്തില്‍ പങ്കെടുത്തിട്ടുള്ളയാളാണ്‌ ലഖീസ്‌.
ഹിസ്ബുല്ല സിറിയന്‍ സര്‍ക്കാര്‍ പക്ഷത്താണ്‌. 2006ല്‍ ഹിസ്ബുല്ല ഇസ്രയേലുമായി 34 ദിവസം നീണ്ട പോരാട്ടം നടത്തിയിരുന്നു. എന്നാല്‍ ലഖീസിന്റെ വധത്തില്‍ തങ്ങള്‍ക്കു പങ്കില്ലെന്ന്‌ ഇസ്രയേല്‍ പറഞ്ഞു.