തക്കതായ രേഖകള്‍ ഇല്ല; പാകിസ്ഥാനില്‍ 21 വിദേശ വിദ്യാര്‍ത്ഥികള്‍ അറസ്റ്റില്‍
തിങ്കള്‍, 16 സെപ്‌റ്റംബര്‍ 2013 (11:15 IST)
PRO
പാകിസ്ഥാനില്‍ തക്കതായ രേഖകളില്ലാതെ താമസിച്ച് വന്ന വിദ്യാര്‍ത്ഥികള്‍ പൊലീസ് പിടിയിലായി.
പാകിസ്ഥാനിലെ പഞ്ചാബ്‌ പ്രവിശ്യയിലെ രണ്ട് മദ്രസകളില്‍ ആവശ്യമായ രേഖകളില്ലാതെ താമസിച്ചുവന്ന വിദേശികളായ 21 വിദ്യാര്‍ഥികളാണ് പൊലീസ് അറസ്റ്റ്‌ ചെയ്‌തത്. ഈ മദ്രസകള് താലിബാന്‍ പരമോന്നത നേതാവ്‌ മുല്ല ഒമറിന്റെ അധ്യാപകന്‍ ക്ലാസി ഹമിദുല്ല ഖാന്റേതാണ്‌.
മദ്രസകളില്‍ പൊലീസ് നടത്തിയ റെയ്ഡുകളിലാണ്‌ വിദ്യാര്‍ഥികളെ പിടിച്ചത്‌. ഇവരെ കൂടുതല്‍ ചോദ്യം ചെയ്യലിനായി പൊലീസ് രഹസ്യ കേന്ദ്രത്തിലേക്ക് കൊണ്ടുപോയിരിക്കുകയാണ്.
