പാകിസ്ഥാനില്‍ താലിബാന്‍ നേതാവ് ബെയ്ത്തുള്ള മെഹ്സൂദിന്‍റെ നേതൃത്വത്തിലുള്ള ഒരു ഭീകരവാദ പരിശീലന കേന്ദ്രത്തിന് നേരെ യുഎസ് മിസൈലാക്രമണം നടത്തി. ആക്രമണത്തില്‍ കുറഞ്ഞത് 12 തീവ്രവാദികളെങ്കിലും കൊല്ലപ്പെട്ടതായി രഹസ്യാന്വേഷണ ഉദ്യോഗസ്ഥര്‍ അറിയിച്ചു. ചൊവ്വാഴ്ച രാവിലെയാണ് ആക്രമണം ഉണ്ടായത്.
തെക്കന്‍ അഫ്ഗാനിസ്ഥാനില്‍ അഫ്ഗാന്‍ അതിര്‍ത്തിയോട് ചേര്‍ന്ന മകീന്‍ മേഖലയിലാണ് ആക്രമണം ഉണ്ടായത്. പൈലറ്റില്ലാ വിമാനങ്ങള്‍ ഉപയോഗിച്ചാണ് ആക്രമണമെന്ന് ഔദ്യോഗിക കേന്ദ്രങ്ങള്‍ അറിയിച്ചു. ആക്രമണത്തില്‍ നിരവധി തീവ്രവാദികള്‍ക്ക് പരുക്കേറ്റിട്ടുണ്ട്. മെഹ്സൂദ് ക്യാംപില്‍ ഉണ്ടായിരുന്നില്ലെന്ന് ഒരു ഉദ്യോഗസ്ഥന്‍ പറഞ്ഞു.
രണ്ടാഴ്ചയ്ക്കിടെ ഇത് നാലാം തവണയാണ് തെക്കന്‍ വസീറിസ്ഥാനില്‍ അമേരിക്ക ഡ്രോണ്‍ ആക്രമണം നടത്തുന്നത്. ഓഗസ്റ്റിന് ശേഷം നാല്‍പ്പതിലധികം തവണ അമേരിക്ക മെഹ്സൂദിന്‍റെ താവളം ലക്‍ഷ്യമാക്കി ഡ്രോണ്‍ ആക്രമണം നടത്തിയിട്ടുണ്ട്. മെഹ്സൂദിന് വേണ്ടി പാക് സേനയും തെരച്ചില്‍ നടത്തുന്നുണ്ട്.