നന്ദിനി എന്ന നടിയുടെ പേര് പറഞ്ഞാല്‍ ചിലപ്പോള്‍ എല്ലാവര്‍ക്കും മനസ്സിലാവണമെന്നില്ല,ലേലം, കരിമാടി കുട്ടന്‍, അയാള്‍ കഥ എഴുതുകയാണ് തുടങ്ങിയ സിനിമകളിലെ നായിക എന്ന് പറയുമ്പോള്‍ മലയാളികളുടെ മനസ്സില്‍ ഓടിയെത്തും ആ മുഖം. എന്നാല്‍ ഇപ്പോള്‍ മലയാള ഭാഷ സിനിമകളില്‍ നന്ദിനി അത്ര സജീവമല്ല. ഒരുകാലത്ത് മോളിവുഡിന്റെ പ്രിയ നായികയായ നടിയുടെ വിശേഷങ്ങള്‍ അറിയുവാന്‍ ആരാധകര്‍ ആഗ്രഹിക്കുന്നു.
43 വയസ്സുള്ള നന്ദിനി ഇപ്പോഴും വിവാഹം കഴിച്ചിട്ടില്ല. പ്രണയ തകര്‍ച്ചയാണ് തന്നെ വിവാഹത്തില്‍ നിന്നും പിന്‍വലിച്ചതെന്ന് നടി തന്നെ പറയുകയാണ്.
വിവാഹത്തെ കുറിച്ചുള്ള ചോദ്യങ്ങള്‍ക്ക് ഇറിറ്റേറ്റഡ് ആകുമോ എന്നായിരുന്നു നടിയോട് ചോദിച്ചത്, 'ഇല്ല. വിവാഹം, പ്രണയം എന്നിവയെ കുറിച്ചെല്ലാം അഭിമുഖങ്ങളിലും മറ്റും ചോദ്യങ്ങള്‍ വരാറുണ്ട്. ബന്ധുക്കളോ സുഹൃത്തുക്കളോ അതേപറ്റി ചോദിക്കാറില്ല. ഞാന്‍ അതിനെ എല്ലാം കൂളായാണ് എടുക്കുന്നത്. വിവാഹിത ആകാത്തതും ഞാന്‍ കൂളായി ആണ് എടുക്കുന്നത്. വിവാഹം എന്നത് നടക്കേണ്ടതാണെങ്കില്‍ നടന്നിരിക്കും. നല്ലൊരാളെ കിട്ടിയാല്‍ ഈ പ്രായത്തിലും വിവാഹം കഴിക്കാന്‍ തയ്യാറാണ്. തനിച്ച് ജീവിക്കുന്നതും നല്ല കാര്യമാണ്',-നന്ദിനി പറഞ്ഞു.