ഉപദേശയുമായി ആരും ചെല്ലേണ്ടെന്ന് റഹ്‌മാന്റെ മകൾ

എ.ആർ.റഹ്‌മാൻ-സൈറ ബാനു വേർപിരിയലിന് പിന്നാലെ സോഷ്യൽ മീഡിയയിൽ നടക്കുന്ന ചർച്ചകളിൽ പ്രതികരിച്ച് മകൾ റഹീമ രംഗത്ത്. എല്ലാവരും അവരുടെ സ്വകാര്യതയെ മാനിക്കണമെന്നും ഉപദേശങ്ങളുമായി ആരും ചെല്ലണ്ടെന്നും റഹീമ പറഞ്ഞു. രണ്ട് പേരുടെ വ്യക്തിപരമായ പ്രശ്നമാണതെന്ന് റഹീമ സോഷ്യൽ മീഡിയയിൽ കുറിച്ചു.

‘അത് അവരുടെ വ്യക്തിപരമായ പ്രശ്‌നമാണ്. അവിടെ പോയി തലയിട്ട് ഉപദേശങ്ങൾ കൊടുത്ത്, കരയുന്ന ഇമോജികളിടാൻ നമുക്ക് അവകാശമില്ല. എന്ത് ചെയ്യണമെന്നും എന്തൊക്കെ ചെയ്യാൻ പാടില്ലെന്നും അവർക്കറിയാം. അവർ തിരഞ്ഞെടുത്തത് ചെയ്യാൻ അവരെ അനുവദിക്കുക’, എ.ആർ.റഹീമ കുറിച്ചു.

ഭാര്യ സൈറ ഭാനുവിന്റെ അഭിഭാഷക വന്ദന ഷായാണ് ഇരുവരും തമ്മിൽ വേർപിരിയുന്ന ഇക്കാര്യം അറിയിച്ചത്. തീരുമാനം ഏറെ പ്രയാസകരമാണെന്ന് സൈറ പറഞ്ഞു. പിന്നാലെ റഹ്മാനും ഡിവോഴ്സ് വാർത്ത സ്ഥിരീകരിക്കുകയായിരുന്നു.