വല്ലപ്പോഴും പൈസ ചോദിക്കുമ്പോൾ തരും; രേണുവുമായുള്ള ബന്ധത്തെ കുറിച്ച് മകൻ

Kichu Sudhi and Renu Sudhi

മോഡലും ഇൻഫ്‌ളുവൻസറുമായ രേണു സുധിക്കും കുടുംബത്തിനുമെതിരെ നടക്കുന്ന സൈബർ ആക്രമണങ്ങളിൽ പ്രതികരിച്ച് മകൻ കിച്ചു സുധി. വാഹനാപകടത്തിൽ അന്തരിച്ച നടൻ കൊല്ലം സുധിയാണ് രേണുവിന്റെ ഭർത്താവ്. 

അപകടവാർത്ത അറിഞ്ഞ ശേഷം അച്ഛനെ കാണാൻ പോയപ്പോൾ അമ്മയായ രേണു സുധി തനിക്കൊപ്പം ഇല്ലായിരുന്നെന്ന് കിച്ചു സുധി പറയുന്നു. ഇപ്പോൾ അമ്മയുമായി അത്ര നല്ല ബന്ധത്തിൽ അല്ലെന്നും ഇടയ്ക്കു പണം ചോദിക്കുമ്പോൾ തരാറുണ്ടെന്നും കിച്ചു വെളിപ്പെടുത്തി. 

' ഇപ്പോൾ അമ്മയുമായുള്ള ഒരു കോൺടാക്റ്റ് എന്താണെന്നു വച്ചാൽ ആകെ എന്തെങ്കിലും പൈസ ചോദിക്കുന്നതു മാത്രമാണ്. വേറൊരു കോൺടാക്റ്റും ഇല്ല ഞങ്ങൾ തമ്മിൽ. ഇടയ്ക്ക് വല്ലോം വിഡിയോ കോൾ ചെയ്യും. എന്നിട്ട് ആരെയെങ്കിലും ഒക്കെ കാണിച്ചു തരും, എന്നിട്ടു പറയും, ഇപ്പോ തരാടാ, അതേ ഒള്ളൂ കോൺടാക്റ്റ്,' എന്നാണ് കിച്ചു പറഞ്ഞത്.