ഗോസിപ്പുകള്‍ക്ക് ഇടം കൊടുക്കാതിരുന്ന അസിന്‍ ഇതാ ആദ്യമായി ഗോസിപ്പിന് ഇരയാകുന്നു. അതും ഗോസിപ്പിന്റെ ‘സിക്സറാ’ണ് അസിനെ പിന്തുടരുന്നത്. ചെറിയ ആളൊന്നുമല്ല ഗോസിപ്പിലെ നായകന്‍! ക്രിക്കറ്റില്‍ നിന്ന് സച്ചിനേക്കാള്‍ സമ്പാദിച്ച യുവതാരം ധോണിയാണ് കഥാപാത്രം. ഇതുവരെ തെന്നിന്ത്യന്‍ താരം ലക്ഷ്മീറായിയുടെ ഗോസിപ്പ് നായകനായിരുന്നു കക്ഷി. എന്നാലിപ്പോള്‍ ലക്ഷ്മീറായിക്ക് നേരെ അടിച്ചിരുന്ന ധോണിക്കാറ്റ് ഇപ്പോള്‍ വീശിയടിക്കുന്നത് അസിനെ ചുറ്റിപ്പറ്റിയാണെന്ന് ബോളിവുഡ് അടക്കം പറയുന്നു.
എന്തായാലും ബോളിവുഡില്‍ ഒന്നാം സ്ഥാനത്തേക്ക് കുതിക്കുന്ന അസിനും ക്രിക്കറ്റില്‍ സച്ചിനെയും പിന്തള്ളി കുതിച്ചുകൊണ്ടിരിക്കുന്ന ധോണിയും നല്ല ജോഡികള്‍ തന്നെയെന്ന് ചിലര്‍ സമ്മതിക്കുന്നുണ്ട്. എന്നാല്‍ ധോണി തന്റെ പഴയ സ്വഭാവം കാട്ടിയാല്‍ മറ്റൊരു ലക്ഷ്മീറായിയാകും അസിനെന്ന് സംശയമില്ല. എല്ലാകാര്യങ്ങളിലും ബുദ്ധികൂര്‍മത പ്രകടിപ്പിക്കുന്ന അസിന്‍ പ്രേമക്കാര്യത്തിലും ‘വേണ്ടത്’ ചെയ്യുമെന്ന് അസിനൊട് ബന്ധമുള്ള വൃത്തങ്ങള്‍ ആണയിടുന്നു.