ഇന്ത്യക്കെതിരേ തുടര്‍ച്ചയായി രണ്ട്‌ ടെസ്‌റ്റുകള്‍ തോറ്റെങ്കിലും ശക്‌തമായി തിരിച്ചുവരുമെന്ന്‌ ഓസ്‌ട്രേലിയന്‍ നായകന്‍ മൈക്കിള്‍ ക്ലാര്ക്ക്. 22 നു ഡല്‍ഹിയില്‍ തുടങ്ങുന്ന നാലാം ടെസ്‌റ്റിലും ജയിച്ചു പരമ്പര സമനിലയിലാക്കുമെന്ന് ക്ലാര്ക്ക് അവകാശപ്പെട്ടു.
പൊരുതാതെ കീഴടങ്ങുന്നത്‌ ഓസീസ്‌ ടീമിന്റെ പാരമ്പര്യമല്ലെന്നും പക്ഷേ ആദ്യ ടെസ്‌റ്റുകളിലെ തോല്‍വിക്ക്‌ ന്യായാന്യായങ്ങള്‍ നിരത്താന്‍ ആഗ്രഹിക്കുന്നില്ലെന്നും ക്ലാര്ക്ക് പറഞ്ഞു.
കളിയുടെ സമസ്‌ത മേഖലയിലും ഇന്ത്യ തങ്ങളെ പിന്നിലാക്കി. ഓസീസ്‌ ടീമില്‍ മത്സരപരിചയമുള്ള താരങ്ങള്‍ കുറവാണെന്നും ക്ലാര്ക്ക് പറഞ്ഞു.