അണ്ടര്‍-22 ക്രിക്കറ്റ്‌ ടൂര്‍ണമെന്റ്; കേരളത്തിന് കിരീടം
വെള്ളി, 7 മാര്‍ച്ച് 2014 (09:57 IST)
PRO
പി.എസ്‌. റാം മോഹന്‍ റാവു ട്രോഫി അണ്ടര്‍-22 ക്രിക്കറ്റ്‌ ടൂര്‍ണമെന്റില്‍ കേരളം ദക്ഷിണമേഖലാ ജേതാക്കളായി. ഇന്നലെ അവസാന ലീഗ്‌ മല്‍സരത്തില്‍ കര്‍ണാടകയെ കേരളം 96 റണ്‍സിനു തോല്‍പ്പിച്ചു. ആന്ധ്രപ്രദേശാണ്‌ ദക്ഷിണമേഖലാ റണ്ണേഴ്സ്‌ അപ്‌.
ആദ്യം ബാറ്റ്‌ ചെയ്‌ത കേരളം 260 റണ്‍സെടുത്തു. വിഷ്ണുവിനോദ്‌(53), ജിതിന്‍(44), ബേസില്‍(45), രോഹിത്‌(23) എന്നിവര്‍ കേരള നിരയില്‍ തിളങ്ങി. മറുപടി ബാറ്റിങ്ങില്‍ കര്‍ണാടകയുടെ ഇന്നിങ്ങ്സ്‌ 164 റണ്‍സില്‍ അവസാനിച്ചു.
കേരളത്തിനു വേണ്ടി ക്യാപ്റ്റന്‍ അക്ഷയ്‌ ചന്ദ്രന്‍ 30 റണ്‍സിന്‌ നാലു വിക്കേറ്റ്ടുത്തു. സഫര്‍ രണ്ടു വിക്കറ്റ് സ്വന്തമാക്കി.
