ദൃശ്യം ആദ്യം മമ്മൂട്ടിക്ക് വേണ്ടി എഴുതിയ തിരക്കഥയായിരുന്നു. എന്നാല്‍ മമ്മൂട്ടി അത് വേണ്ടെന്നുവച്ചു. ദൃശ്യത്തില്‍ മോഹന്‍ലാല്‍ പിന്നീട് നായകനാവുകയും അത് മലയാള സിനിമയിലെ ചരിത്ര വിജയമായി മാറുകയും ചെയ്തു. എന്തായാലും ജീത്തു ജോസഫിന്‍റെ തിരക്കഥ വേണ്ടെന്നുവച്ച മമ്മൂട്ടി ആ തെറ്റ് തിരുത്തുകയാണ്.
ജീത്തു ജോസഫ് തിരക്കഥയെഴുതുന്ന പുതിയ ചിത്രത്തില്‍ മമ്മൂട്ടി നായകനാകുന്നു. ഇതും ഒരു ഫാമിലി ത്രില്ലര്‍ ആണെന്നാണ് സൂചന. ദൃശ്യം തമിഴ് റീമേക്കിന്‍റെ ജോലികള്‍ക്കിടയില്‍ തന്നെ ഈ സിനിമയുടെ തിരക്കഥാ ജോലികളും ജീത്തു ആരംഭിക്കുമെന്നാണ് അറിയുന്നത്.
ജീത്തു ജോസഫിന്‍റെ തിരക്കഥയില്‍ മമ്മൂട്ടി നായകനാകുന്ന ചിത്രം പക്ഷേ സംവിധാനം ചെയ്യുന്നത് മറ്റൊരാളാണ്. അതും മലയാളത്തിലെ ഹിറ്റ്മേക്കര്‍മാരില്‍ ഒരാള്‍. അതാരാണെന്ന് അറിയണ്ടേ?
അടുത്ത പേജില്‍ - ഹിറ്റ്മേക്കറിന്‍റെ ആദ്യ മമ്മൂട്ടിച്ചിത്രം!
PRO
മമ്മൂട്ടിയെ നായകനാക്കി ജീത്തു ജോസഫ് എഴുതുന്ന തിരക്കഥ സംവിധാനം ചെയ്യുന്നത് വിനീത് ശ്രീനിവാസനാണ്. വിനീതിന്‍റെ ആദ്യ മമ്മൂട്ടിച്ചിത്രമാണിത്.
ലൂമിയര്‍ ഫിലിംസിന്‍റെ ബാനറില്‍ ശ്രീനിവാസനും മുകേഷും ചേര്‍ന്നാണ് ഈ ചിത്രം നിര്‍മ്മിക്കുന്നത്. ഈ സിനിമയുടെ ചിത്രീകരണം 2015 ജനുവരിയില്‍ ആരംഭിക്കുമെന്നാണ് സൂചന.
കഥ പറയുമ്പോള്‍, തട്ടത്തിന്‍ മറയത്ത് എന്നീ സൂപ്പര്‍ഹിറ്റുകള്‍ നിര്‍മ്മിച്ചത് ലൂമിയര്‍ ഫിലിംസ് ആയിരുന്നു.
