ഭരണഘടനയില്‍ ഇന്ത്യ, ഭാരതം എന്നീ രണ്ടുപേരുകളും ഉണ്ടെന്നും ഒന്നാം ഷെഡ്യൂളില്‍ അത് വ്യക്തമാണെന്നും ചീഫ് ജസ്റ്റിസ് എസ്എ ബോബ്‌ഡെ അറിയിച്ചു. ഇക്കാര്യത്തില്‍ കോടതിക്ക് ഇടപെടാനാകില്ലെന്നും ആവശ്യം സര്‍ക്കാരിന് നിവേദനമായി സമര്‍പ്പിക്കാമെന്നും കോടതി നിര്‍ദേശിച്ചു. സ്വാതന്ത്ര്യ സമരകാലത്ത് ഭാരത് മാതാ കീ ജയ് എന്നായിരുന്നു മുദ്രാവാക്യമെന്നും കൊളോണിയല്‍ ശക്തികളാണ് ഇന്ത്യ എന്ന പേര് നല്‍കിയതെന്നുമായിരുന്നു ഹര്‍ജിയിലെ പ്രധാന വാദം.
