കടന്നല്‍ ആക്രമണം: ഒരു മരണം, റിട്ട. എസ് ഐക്ക് പരുക്ക്

ശ്രീനു എസ്

ബുധന്‍, 29 ജൂലൈ 2020 (14:15 IST)
കടന്നല്‍ ആക്രമണത്തില്‍ ഗൃഹനാഥന്‍ മരിക്കുകയും റിട്ടേഡ് എസ് ഐക്ക് പരിക്കേല്‍ക്കുകയും ചെയ്തു. കന്യാകുളങ്ങര കൊച്ചാലുംമൂട് ഷമീനാ മന്‍സിലില്‍ അബ്ദുല്‍ വാഹിദ്(71) ആണ് മരിച്ചത്. പുരയിടത്തില്‍ കൃഷി ചെയ്തുകൊണ്ടിരിക്കെയാണ് കടന്നലുകള്‍ കൂട്ടത്തോടെ എത്തി ആക്രമിച്ചത്. തൊട്ടടുത്ത പുരയിടത്തില്‍ ജോലി ചെയ്തുകൊണ്ടിരുന്ന റിട്ടേഡ് എസ് ഐ അബ്ദുല്‍ ഖരിമിനെയും കടന്നലുകള്‍ ആക്രമിച്ചു. 
 
ഉടന്‍തന്നെ ഇരുവരെയും കന്യാകുളങ്ങര സാമൂഹിക ആരോഗ്യ കേന്ദ്രത്തില്‍ പ്രവേശിപ്പിച്ചു. ആരോഗ്യസ്ഥിതി വഷളായതിനെ തുടര്‍ന്ന് അബ്ദുല്‍ വാഹിദിനെ വെഞ്ഞാറാമുട്ടിലെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാന്‍ സാധിച്ചില്ല.

വെബ്ദുനിയ വായിക്കുക

അനുബന്ധ വാര്‍ത്തകള്‍